Avansert søk

Vanleg søk

Nynorskordboka 28 oppslagsord

mars

substantiv hankjønn

Opphav

av latin martius, etter krigsguden Mars

Tyding og bruk

den tredje månaden i året

Døme

dei første dagane i mars;
i mars månad;
vere fødd 9. mars 1995

Artikkelside

per

preposisjon

Opphav

frå latin ‘gjennom, over, for’

Tyding og bruk

med, med hjelp av, gjennom;
forkorta pr.
Døme
- sende pakkene per båt;
- sende noko per ekspress;
- få melding per telefon;
- selje per kontant
for kvar;
forkorta pr.
Døme
- kr 50 per person;
- kr 140 per time
i samsvar med;
forkorta pr.
Døme
- per definisjon
på eit visst tidspunkt;
forkorta pr.
Døme
- per 1. mars
i eldre bokføring: brukt føre namnet til debitor eller føre postane på kreditsida;
forkorta pr.;
motsett an (2)

Faste uttrykk

per omgåande
straks

Artikkelside

masomn

substantiv hankjønn

Opphav

mas- av tysk Mass ‘mål’ eller Masse ‘metallklump’ eller etter krigsguden Mars, som alkymistane brukte som symbol på jern

Tyding og bruk

smelteomn der jernmalm blir laga om til råjern

Artikkelside

martialsk

adjektiv

Uttale

martiaˊlsk; martsiaˊlsk

Opphav

gjennom tysk; frå latin etter krigsguden Mars

Tyding og bruk

krigersk (2), stridbar

Artikkelside

kuldeperiode

substantiv hankjønn

Tyding og bruk

periode med sterk kulde

Døme

kuldeperioden tok ikkje slutt før i mars

Artikkelside

vårjamdøgn, vårjamdøger

substantiv inkjekjønn

Tyding og bruk

jamdøgn om våren (kring 21. mars)

Artikkelside

målestasjon

substantiv hankjønn

Tyding og bruk

anlegg for måling (, til dømes av vêrtilhøve

Døme

det vart målt 269 mm nedbør i mars ved målestasjonen

Artikkelside

marimess, marimesse

substantiv hokjønn

Opphav

av mari- og -mess

Tyding og bruk

katolsk høgtidsdag, brukt om 25. mars (Maria bodskapsdag) og 15. august (Marias himmelfart);

jamfør vårfrumess

Artikkelside

liv

substantiv inkjekjønn

Opphav

norrønt líf; samanheng med leve (

Tyding og bruk

det å leve;
levande tilstand, eksistens, tilvære
Døme
- halde liv i noko;
- redde livet;
- risikere liv og lemer;
- ta livet av nokon;
- ta sitt eige liv;
- kjempe for livet;
- ta livet med ro;
- bøte med livet;
- det står om livet;
- det gjeld livet;
- det er livet om å gjere;
- livet går vidare;
- er det liv på Mars?
livleg rørsle eller verksemd;
livskraft, energi, iver
Døme
- eit yrande liv;
- det var liv og røre på torget;
- det er så mykje liv i kattungane;
- etter ein kvil kom det liv i dei att;
- skildringa var full av liv
levetid
Døme
- eit langt liv;
- bu på same plassen heile livet;
- det er det beste eg har smakt i mitt liv!
måte å leve på;
livsform
Døme
- eit roleg liv;
- leve sitt eige liv;
- eit liv i fattigdom;
- livet i gamle dagar;
- livet på moen
- - hundeliv
område for menneskeleg verksemd
Døme
- det praktiske livet
- - arbeidsliv
  - kjensleliv
  - næringsliv
moro, leven
Døme
- er det noko liv i byen?
noko som lever;
levande skapning
Døme
- det var ikkje eit liv å sjå
- - dyreliv
  - planteliv
tenkt tilvære etter døden
Døme
- ha von om eit æveleg liv;
- i det neste livet
kropp
Døme
- få ein skrekk i livet;
- har du ingen kjensler i livet?
(nedre del av) overkropp;
midje
Døme
- vere lang i livet;
- smal om livet;
- ta nokon rundt livet;
- buksa er vid i livet
mage, buk
Døme
- få litt mat i livet
livmor
Døme
- barnet i mors liv
(ermelaust) klesplagg som dekkjer overkroppen;
livstykke på klesplagg
Døme
- bunaden har svart stakk og raudt liv
- - kjoleliv
  - snøreliv

Faste uttrykk

aldri i livet
absolutt ikkje
blåse liv i
få i gang att
saka bles liv i gamle politiske motsetnader
det evige livet
livet etter døden
tru på Gud og det evige livet
gå på livet laus
gå hardt for seg
ha livets rett
ha rett til å eksistere
ha ni liv
opphavleg om kattar: vere seigliva
halde frå livet
halde (nokon) på avstand
i levande live
- i levande tilstand
  eg trudde ikkje eg skulle få sjå han att i levande live
- i røynda
  dei har møtt filmstjerna i levande live
i live
levande, verksam, i funksjon
halde seg i live;
ho vart funnen i live
ikkje eige skam i livet
ikkje ha skamkjensle for noko
kjenne liv
merke at fosteret rører på seg
kome nærmare inn på livet
bli betre kjend med
leve livet
nyte livet
i ferien skal eg berre slappe av og leve livet
liv i leiren
liv og oppstyr i flokken
liv og lære
det ein gjer, og det ein seier ein bør gjere;
teori og praksis
hos henne er det langt mellom liv og lære
liv og røre
livleg verksemd;
høg aktivitetet
på laurdag blir det liv og røre i Storgata;
det er liv og røre på stranda
livs levande
tydeleg i live;
lys levande
med liv og sjel
heilt og fullt
kjempe med liv og sjel for å realisere ein plan
med livet i hendene
med fare for når som helst å miste livet
på liv og død
som gjeld livet;
som står om overleving
ein kamp på liv og død
på/for harde livet
så fort eller mykje ein kan;
alt ein orkar;
av all makt
dei trente på harde livet før konkurransen;
vi jobbar for harde livet
setje livet inn
risikere å døy
dei sette livet inn for fridomen
setje livet til
døy, omkome
setje til livs
ete og drikke;
fortære
setje ut i livet
setje i verk;
realisere ein plan
skyte hjartet opp i livet
ta mot til seg
stå om livet
- vere fare for at nokon kan døy
  det stod om livet dersom han ikkje fekk legehjelp
- vere svært viktig for å kunne halde fram med ein aktivitet
  det synest å stå om livet for fiskerinæringane
stå til liv
gå (nokolunde) bra
til live
til ein aktiv og levande tilstand
vekkja verkstaden til live att;
aksjonen vakna til live;
la draumen kome til live
vere liv laga
vere levedyktig;
ha ei framtid;
vere liv lage
verksemda er liv laga
vere ute på livet
feste, rangle
vilje til livs
- ynskje eller prøve å ta livet av
  han hadde mange fiendar som ville han til livs
- få slutt på
  det er sterke krefter som vil samvirket til livs

Artikkelside

marsbuar, Mars-buar

substantiv hankjønn

Tyding og bruk

skapning som ein tenkjer seg finst på planeten Mars

Artikkelside

Side 1 av 3

Resultat per side: