Avansert søk

Faste uttrykk

• få/slå kloa i
  få tak i

  • slå kloa i det siste kakestykket;
  • politiet slo kloa i skurkane
• slå an
  bli omtykt;
  fengje

  • filmen slo an
• slå an på
  flørte med
• slå av på
  gjere mindre i storleik, tal eller intensitet;
  redusere, minke

  • slå av på farten;
  • dei slo av på krava
• slå bort
  ikkje vilje snakke om eller tenkje på

  • han slo bort tanken
• slå eit slag for
  gå i brodden for (noko)
• slå fast
  konstatere
• slå feil
  mislykkast
• slå frampå om
  ymte;
  gjere framlegg om
• slå frå seg
  • forsvare seg
  • gje opp tanken på
• slå følgje
  gå eller reise i lag

  • dei slår følgje til skulen;
  • han slo følgje med mora
• slå i hel
  • drepe
  • bli kvitt;
    få unna

    • slå i hel tida med kortspel
• slå ned
  • slå ein person så hardt at hen går over ende og blir skadd

    • ho vart slått ned i ei mørk gate
  • nedkjempe;
    knuse (2)

    • slå ned ein demonstrasjon
  • om lyn: råke
  • om tanke, kjensle eller hending: råke brått og uventa med stor kraft

    • ein tanke slår ned i han
• slå ned på
  gå til åtak på
• slå om
  • skifte

    • slå om til nordnorsk
  • om vêr: endre seg (brått)

    • det slo om til regn
• slå opp
  • brått bli open

    • slå opp auga;
    • ho slo opp døra
  • opne bok eller anna trykksak (for å finne ei opplysning)
  • publisere med store overskrifter

    • saka vart slått stort opp
  • gjera slutt på kjærleiksforhold

    • ho slo opp med han;
    • dei har slått opp
  • om sår eller brot: opne seg igjen som resultat av fall, slag eller liknande

    • slå opp ein gammal skade
• slå saman
  • lukke eller falde saman;
    slå i hop (1)

    • slå saman boka;
    • ho slo saman paraplyen
  • binde saman til éi eining;
    sameine;
    slå i hop (2)

    • slå saman kommunar
• slå seg fram
  arbeide eller streve seg fram til ein betre posisjon;
  lukkast
• slå seg laus
  retteleg more seg
• slå seg ned
  • setje seg

    • slå seg ned i sofaen
  • busetje seg

    • slå seg ned i byen
• slå seg opp
  arbeide seg fram;
  lukkast
• slå seg på
  • om apparat eller innretning: bli sett i funksjon;
    kople seg inn

    • lyset har slått seg på
  • byrje med

    • slå seg på handel
• slå seg til
  bli verande;
  slå seg til ro

  • dei har slått seg til i landet
• slå stort på
  leve flott;
  sløse
• slå til
  • gje noko eller nokon eit slag

    • ho slo til han
  • gripe (hardt) inn;
    gå til aksjon

    • ranarar slo til mot kiosken i natt
  • hende plutseleg;
    inntreffe

    • det slo til med rekordvarme i helga
  • gjere noko på ein (uventa) flott måte

    • bassisten slo til med glitrande spel
  • akseptere eit tilbod;
    godta, seie ja

    • vi slo til og kjøpte båten
  • gå i oppfylling;
    bli som venta

    • spådomane har slått til
  • gje godt resultat (i jordbruk, jakt eller fiske)

    • avlinga slo til i år
• slå ut
  • knuse eller øydeleggje med eit kraftig slag

    • slå ut ei rute;
    • ho fekk slått ut ei tann
  • vinne over;
    konkurrere ut

    • slå ut konkurrenten frå tevlinga
  • setje ut av spel

    • vere heilt slått ut av varmen
  • gjere ei brå rørsle utover

    • slå ut med armane;
    • visaren slo ut
  • gje positivt resultat på test eller prøve

    • promilletesten slo ut
  • få ei viss verknad;
    føre til

    • auka kostnader slår ut i høgare prisar
  • brått kome fram og vise seg

    • sjukdomen har slått ut igjen;
    • striden slo ut
  • tøme ut væske eller masse

    • slå ut mjølka