Artikkelside

Nynorskordboka

vatn

substantiv inkjekjønn

Bøyningstabell for dette substantivet
eintal		fleirtal
ubunden form	bunden form	ubunden form	bunden form
eit vatn	vatnet	vatn	vatna

Opphav

norrønt vatn; samanheng med våt

Tyding og bruk

klar, gjennomsynleg væske som er ei sambinding av hydrogen og oksygen
vatn (1) i meir eller mindre rein tilstand
Døme
- reint vatn;
- mjukt, hardt vatn – vatn som det er oppløyst lite, mykje mineralsk stoff i;
- eit glas vatn;
- sitje (i fengsel) på vatn og brød;
- vaske i fleire vatn;
- gå over bekken etter vatn – sjå bekk (1);
- skvette vatn på gåsa – sjå gås (1);
- få vatn på mylna, kverna – sjå mylne (1);
- gå for lut og kaldt vatn – sjå lut (1;
- mykje vatn har runne i havet sidan den tid – det er lenge sidan
- - mineralvatn
  - sukkervatn
samling av vatn (2) i naturen
Døme
- djupt, grunt vatn;
- falle i vatnet;
- trø vatnet;
- setje båt på vatnet;
- 20 °C i vatn;
- symje under vatnet – under vassyta
mindre innsjø
Døme
- landskapet er fullt av sjøar og vatn
kroppsvæske som liknar vatn (1)
- fostervatn
  vatnet er gått

Faste uttrykk

bere vatn i såld
drive med noko nyttelaust
gå i vatnet
mislykkast, dumme seg ut (i samband med)
halde hovudet over vatnet
(så vidt) greie seg
late vatnet
tisse, urinere
leggje inn vatn
føre leidning for rennande vatn inn i hus
på djupt vatn
i overført tyding: utan ordentleg greie på det ein driv med eller taler om;
på tynn is, ille ute
ta seg vatn over hovudet
ta på seg noko ein ikkje greier
vatn i kneet
tilstand med unormalt mykje leddvatn i kneleddet