Enkelt søk | Nynorskordboka

Nynorskordboka 1 oppslagsord

substantiv inkjekjønn eller hokjønn

norrønt sýn

evne til å sjå;
synssans
Døme
- han har godt syn;
- ho har teke til å dimmast på synet
det å sjå;
det å få auge på
Døme
- eg vart svolten berre ved synet av kaka
noko som ein ser
Døme
- det var eit trist syn;
- det var eit syn eg seint vil gløyme
noko uvanleg eller merkeleg å sjå
Døme
- han var litt av eit syn i den fargerike dressen
noko som viser seg for det indre auget;
visjon, openberring (1)
Døme
- store syner openberra seg for henne
hallusinasjon, synkverving
Døme
- sjå syner
auge;
andlet, fjes, åsyn
Døme
- eg fekk sola midt i synet;
- ho sa det beint i synet på meg
oppfatning (2), synsmåte
Døme
- eg har eit anna syn på saka
høve til å sjå;
sikt (2, 1)
Døme
- det var godt syn i dag

for syns skuld
på liksom;
for at det skal sjå bra ut for andre
få syn for segn
sjølv få sjå noko ein berre har høyrt snakk om
kome til syne
bli synleg;
kome innanfor synsvidde
miste/tape av syne
miste augekontakt med;
gløyme ut
vi må ikkje miste desse viktige ressursane av syne;
målet var aldri tapt av syne
sjå seg syn med
sjå at ein har høve til;
sjå at det er nokon vits i
eg ser meg ikkje syn med å halde fram
sleppe av syne
ta auga frå;
ikkje følgje med på
eg kan ikkje sleppe ungane av syne
ute av syne, ute av sinn
det ein ikkje ser eller er medviten om, gløymer ein raskt