Artikkelside

Nynorskordboka

substantiv inkjekjønn

Bøyningstabell for dette substantivet
eintal		fleirtal
ubunden form	bunden form	ubunden form	bunden form
eit spor	sporet	spor	spora

norrønt spor

synleg avtrykk eller merke på bakken (eller anna underlag) etter menneske, dyr eller køyretøy som har gått eller passert på annan måte;
far (2, 1)
Døme
- sjå ferske spor etter bjørn;
- sjå spor etter gummistøvlar i søla;
- det var djupe spor etter traktoren på jordet
- - fotspor
  - harespor
  - hjulspor
veg (1) i form av skjenegang, (preparert) skiløype eller liknande
Døme
- godstoget gjekk av sporet;
- gå i nypreparerte spor
- - dobbelspor
  - enkelspor
  - jarnbanespor
  - skispor
i overført tyding: gang i utvikling;
retning (2)
Døme
- få samtala over i eit anna spor
synleg teikn eller rest;
leivning
Døme
- finne spor etter gamle buplassar;
- politiet fann få spor på åstaden
i overført tyding: preg som noko har etterlate;
teikn
Døme
- spor av mismot;
- boka ber spor av at forfattaren har slite med stoffet
i overført tyding: etterverknad
Døme
- dei byrja å sjå spor av satsinga på feltet
renne til å setje noko inn i
Døme
- sporet på eit skruehovud
seksjon (med ein melodi) på vinylplate, cd eller liknande
Døme
- ei vinylplate med ti spor
eitt av fleire felt for lydopptak i bandspelar eller digital programvare som rommar éi einskild stemme eller eitt einskilt instrument
Døme
- ein bandspelar med åtte spor

ikkje det spor
ikkje i det heile teke;
ikkje det minste
eg har ikkje det spor lyst;
han vart ikkje det spor sint
setje på sporet
vise veg, hjelpe til rette
setje spor
ha stor innverknad og bli hugsa
ho var ei kvinne som sette djupe spor etter seg